«Zapuścili most u ekspłuatacyju ŭ piatnicu, 14 krasavika, jakraz napiaredadni pravasłaŭnaha Vialikadnia! Dabracca ŭ hości da blizkich haradžanam dakładna budzie praściej!» — piša vydańnie.
Na adkryćcio mosta pryjšło šmat haradžan, a ŭłady padrychtavali da hetaj padziei śpiecyjalnuju prahramu — śvietłavoje šou, muzyku i tancy.
Pieršaj pa moście prajšła kałona haradskoj techniki, na čale jakoj jechali retraaŭtamabili. Za imi rušyli sučasnyja mašyny haradskich słužbaŭ, a taksama novy elektrabus i bieskantaktny tralejbus. Paśla ŭračystaj cyrymonii i šou z salutam ruch pa moście adkryli dla ŭsich achvotnych.
Pierad aŭtamabilistami most pierajšli piešachody.
Most praź Nioman u rajonie vulicy Papoviča źjaviŭsia ŭ Hrodnie na pačatku 1970-ch hadoŭ. Jon złučaje vulicy Papoviča i Viasnovuju, Kastryčnicki i Leninski rajony horada. Zapatrabavanaść zbudavańnia zaŭsiody była vialikaj: praz most prachodziać važnyja transpartnyja šlachi, maršruty hramadskaha transpartu.
U vieraśni 2022 hoda most zakryli na abśledavańnie, a paśla adrazu ž pastavili na rekanstrukcyju. Raboty pavinny byli zaniać kala 11 miesiacaŭ, ale zaviaršylisia na 5 miesiacaŭ raniej za pryznačany termin.
Most praktyčna całkam razabrali, a zatym pabudavali nanova. Budaŭniki ŭmacavali apory, a zamiest usich pralotaŭ źjaviŭsia adzin manalitny, daŭžynioj bolš za 300 mietraŭ! Stała mienš i defarmacyjnych švoŭ: jany ŭładkavanyja na ŭjezdach na most.
Bolš zručnym most staŭ i dla piešachodaŭ ź viełasipiedystami, bo mačty aśviatleńnia, jakija raniej stajali na chodnikach, paśla rekanstrukcyi pieranieśli na kraj mosta.
Paśla adkryćcia mosta na zvykłyja maršruty vierniecca haradski hramadski transpart. Taksama, jak čakajecca, užo ŭ najbližejšyja dni razhruzicca centr horada, stanie mienš zatoraŭ na padjeździe da Staroha mosta.
Čytajcie taksama:
«Iržavy most» cieraź Śvisłač u Minsku znoŭ adkryli dla karystańnia
Zaviaršyli ramont pantonnaha mosta pamiž Čyžoŭkaj i Sierabrankaj u Minsku
Novaja skulptura lva ŭ Mahilovie napužała niekatorych haradžan — i voś čamu
ja hovoriu, čto eto pochožie na vot eto vot - youtube.com/watch?v=KfDsvNCRrMk
a on hovorit, čto pochožie na vot eto vot - youtube.com/watch?v=-Dgu1dZEibE
druźja, raźbiejtie naši ruki )