«My pavyšajem zarabotnuju płatu na 45%, uklučajučy dolu sacyjalnaha zabieśpiačeńnia. Takim čynam, my pavyšajem minimalnuju zarabotnuju płatu dziaržaŭnych słužboŭcaŭ da 15 tysiač lir (kala $770)», — zajaviŭ Erdahan.
Akramia taho, vyraście apłata zvyšuročnych, akład načnych rabotnikaŭ i zabieśpiačeńnie vieteranaŭ.
Praź piać dzion u Turcyi projduć prezidenckija vybary. Miarkujučy pa vynikach apytańniaŭ, Erdahan, jaki kiruje krainaj 20 hadoŭ, moža ich prajhrać.
Hałoŭnym jaho sapiernikam źjaŭlajecca 74-hadovy apazicyjanier Kiemal Kyłyčdarohłu, deputat parłamienta Turcyi i lidar Respublikanskaj narodnaj partyi. Apytańni pakazvajuć, što ŭ jaho i ŭ Erdahana prykładna roŭnyja šancy na pieramohu.
