Rasijski źniščalnik. Fota: pixabay
Na biełaruskich aeradromach ciapier znachodziacca 13 źniščalnikaŭ i 12 viertalotaŭ VKS Rasii, adnak jany amal nie ŭźlatajuć i nie prymajuć nijakaha ŭdziełu ŭ vajennych dziejańniach suprać Ukrainy. Ab hetym 22 maja zajaviŭ kamandujučy Abjadnanymi siłami USU hienierał-lejtenant Siarhiej Najeŭ u intervju ŭkrainskamu ahienctvu «Ukrinform».
Pavodle jaho słoŭ, u Biełarusi z rasijskaj vajennaj avijacyi na siońniašni momant znachodziacca: 8 źniščalnikaŭ Su-34, 3 źniščalnika Su-30SM i dva Su-24MR. Aproč ich, taksama prysutničajuć 12 rasijskich viertalotaŭ madelaŭ Mi-8, Mi-24 i Mi-28N.
Adkazvajučy na pytańnie, čamu rasijskaja avijacyja bolš nie nanosić udary ź Biełarusi, jak heta było raniej, hienierał rastłumačyŭ, što heta źjaŭlajecca ŭłasnym rašeńniem biełaruskaha boku.
«Jany nie latajuć, tamu što paśla niaŭdałaha ŭvarvańnia rasijskaj armii z terytoryi Biełarusi i nastupnych niaŭdač na našym uschodzie i poŭdni kiraŭnictva Biełarusi vyrašyła abmiežavać supracoŭnictva z Rasijaj tolki pastaŭkami zbroi, bojeprypasaŭ, a taksama pradastaŭleńniem palihonaŭ dla padrychtoŭki asabovaha składu», — raspavioŭ Siarhiej Najeŭ.
Taksama jon raskazaŭ, što ŭ Biełaruś časam zalatajuć rasijskija Mih-31K, jakija źjaŭlajucca nośbitami hipierhukavych rakiet «Kinžał» (zusim niadaŭna Ukraina ŭpieršyniu zdoleła źbić niekalki takich rakiet, što źjaŭlajecca biesprecedentnaj navinoj, bo padobnaje ličyłasia praktyčna niemahčymym).
Čytajcie jašče:
Čamu rasijskaja avijacyja tak słaba prajaviła siabie va Ukrainie: piać pamyłak Pucina