«Kab u hetym pierakanacca, dastatkova prahladzieć danyja anłajn-manitorynhu radyjacyjnaha fonu ŭ rajonie raźmiaščeńnia BiełAES. Zrabić heta moža kožny — na sajcie stancyi. Na karcie vyrazna vidać, što radyjacyjnaja abstanoŭka zastajecca ŭ normie, pieravyšeńniaŭ niama, što śviedčyć pra biaśpiečnuju i nadziejnuju pracu BiełAES», — havorycca ŭ paviedamleńni.
Stancyja funkcyjanuje ŭ štatnym režymie, pieršy enierhabłok pracuje na naminalnaj mahutnaści, na druhim — praciahvajucca raboty pa zasvajeńni mahutnaści reaktara ŭ ramkach etapnych prahram, jak zaznačaje Minenierha.
Źviestki ab radyjacyjnaj abstanoŭcy analizujucca jak na samoj placoŭcy stancyi, tak u zonie nazirańnia — na pasadach radyjacyjnaha kantrolu. Źviestki ab aktualnych značeńniach mahutnaści dozy hama-vypramieńvańnia taksama adlustroŭvajucca na infarmacyjnych tabło ŭ nasielenych punktach Varniany, Padolcy, Rymdziuny, Hoza, Čechi, Markuny, Čarniški, Alchoŭka, Śvir. BiełAES rehularna abmieńvajecca źviestkami ab stanie radyjacyjnaj abstanoŭki z zacikaŭlenymi dziaržorhanami i viedamstvami, havorycca ŭ paviedamleńni biełaruskaha viedamstva.
Siońnia šerah litoŭskich miedyja zajaviŭ, što na BiełAES adbyŭsia vykid radyjanuklidaŭ.
