56-hadovy žychar Kijeva sprabavaŭ nielehalna pierasiekčy miažu ź Vienhryjaj i prychapiŭ z saboj fotapastku pamiežnikaŭ, jakuju ŭbačyŭ na drevie. Kamiera anłajn zafiksavała maršrut parušalnika, tamu jaho chutka znajšli pamiežniki, paviedamlaje «Ukrainskaja praŭda».
Va Ukrainie zabaroniena mužčynam u pryzyŭnym vieku pakidać krainu.
«Kiemlivaść prajaviŭ 56-hadovy kijeviec pry sprobie nielehalna prabracca ŭ Vienhryju. Uciakajučy ad pamiežnikaŭ, mužčyna zaŭvažyŭ fotapastku i na ŭsialaki vypadak prychapiŭ jaje z saboj. Atrymałasia haniebnaja situacyja: źbiehčy nie ŭdałosia, bo prybor usio zafiksavaŭ i pieradaŭ kudy treba», — havorycca ŭ paviedamleńni pamiežnaj słužby.
U pres-słužbie Čopskaha pamiežnaha atrada kažuć, što mužčyna zabraŭ z saboj kamieru, kab nie pakinuć dokazaŭ.
«Mužčyna išoŭ da miažy i na samaj miažy spyniŭsia. Jon niekatory čas chavaŭsia, kab adsačyć, ci niama pablizu pamiežnaha atrada. Kali jon siadzieŭ, schavaŭšysia ŭ kustach, na drevie ŭbačyŭ fotapastku. Jany nie vielmi dobra vidać, ale kali hladzieć niekatory čas, to možna zaŭvažyć.
Jon zrazumieŭ, što heta niejkaja kamiera, jakaja jaho zdymaje, i vyrašyŭ, što kali jaje zabiare, to nie budzie nijakich śladoŭ», — kažuć u pamiežnym atradzie.
Fotapastka zafiksavała, jak mužčyna išoŭ da miažy i jak zdymaŭ pryładu.
Hetym časam pamiežniki patrulavali miascovaść. Atrymaŭšy infarmacyju z fotapastki, padraździaleńnie hrupy reahavańnia nakiravałasia spynić mužčynu.
Zaraz kijeŭca pryciahnuć da adkaznaści nie tolki za administracyjnaje, ale i za kryminalnaje pravaparušeńnie.
«Jon aformleny ŭ nas, bo sproba niezakonnaha pierasiačeńnia miažy — heta naša kampietencyja, administracyjnaje pravaparušeńnie. A nakont kradziažu spravu pieradali Nacpalicyi.
U mužčyny byli pry sabie dakumienty, tamu ja dumaju, što jaho ŭžo adpuścili. Ale sprava, viadoma, budzie, bo heta kradziež. Sprava jašče i ŭskładniajecca tym, što ciapier vajenny čas», — dadała pres-sakratar viedamstva.
Kali sud dakaža vinu mužčyny, to jamu pahražaje ad piaci da vaśmi hadoŭ pazbaŭleńnia voli.
i letaś (zdajecca jašče viasnoj) Rada pryniała pastanovu, što i invalidam možna