Słovy hałoŭnaha treniera zbornaj Biełarusi pa chakiei začapili mnohich.
Pačuŭ ranicaj u mietro: «Čuŭ, što Zacharaŭ učora zajaviŭ? Ale ž i šlucha!» Słovy hałoŭnaha treniera zbornaj Biełarusi Michaiła Zacharava pra toje, što jon «vielmi choča, kab Rasija vyjhrała Alimpijadu» začapili mnohich.
«Na dobry ład, luby hałtren prahnie (chaj i ŭ marach) uziać «zołata». U Zacharava, jak bačym, mary inšaha kštałtu: kab pieramoh supiernik. Fantasmahoryja niejkaja...», — napisaŭ u kamientarach na sajcie nn.by čytač Dardan.
I sapraŭdy fantasmahoryja. Ciažka ŭjavić, što toje samaje skazaŭ by pra nacyjanalnuju zbornuju Hałandyi hałoŭny trenier Chidynk. I tym bolš ciažka pavieryć, što Michaił Zacharaŭ moža dačakacca sustrečnaj ščyraści z boku Viačasłava Bykava, jakomu jon tak žadaje ŭdačy ŭ Vankuviery. Takoha b navat nie skazaŭ pra Kanadu Hlen Chenłan. Kali byŭ na pasadzie hałoŭnaha treniera ŭ Biełarusi.
