14 žniŭnia na centralnaj alei staličnaha parka Čaluskincaŭ projdzie akcyja pa pošuku haspadaroŭ dla bieznahladnych sabak i katoŭ (pačatak u 13.00). Akcyja arhanizavana hramadskim abjadnańniem abarony žyvioł «Ehida» i prymierkavana da Mižnarodnaha dnia biazdomnych žyvioł (16 žniŭnia).
Jak paviedamiła BiełaPAN vałancior HAAŽ «Ehida» Volha Kurjan, asnoŭnaja meta akcyi — znajści haspadaroŭ biazdomnym žyviołam, jakija znachodziacca na papiačeńni hramadskaj arhanizacyi. Usiaho ŭ park buduć pryviezieny 40 katoŭ i 60 sabak. Usie žyvioły zdarovyja, bolšaść — pryščeplenyja i sterylizavanyja. U parku taksama budzie pracavać vieterynar, jaki biaspłatna daść ułaśnikam žyvioł nieabchodnuju infarmacyju ab karmleńni i dohladzie novaha pitomca.
Jak paviedamiła Kurjan, achvotniki stać haspadarami žyvioł pavinny mieć pry sabie dakumienty. Naviedvalniki akcyi taksama mohuć dapamahčy biazdomnym sabakam i katam, pakinuŭšy dla ich u śpiecyjalnaj pałatcy korm, leki, amunicyju, pieranoski i inšaje.
