Mitrapalit Minski i Słucki Fiłaret, Patryjaršy Ekzarch usiaje Biełarusi nakiravaŭ MitrapalituMinska-Mahiloŭskamu , Apostalskamu administrataru Pinskaj jeparchii archijepiskapu Tadevušu Kandrusieviču piśmo sa spačuvańniami ŭ suviazi sa śmierciu kardynała Kazimira Śviontaka.
«Z bolem u sercy my ŭspryniali sumnuju viestku ab błažennaj śmierci kardynała Kazimira Śviontaka — spaviadalnika i starannaha pastyra, jaki źjaŭlaŭsia prykładam mužnaha stajańnia za vieru i vykanańnia boskaha zakliku być viernym Chrystu navat da śmierci», — adznačaje mitrapalit Fiłaret.
Ijerarch padkreśliŭ, što ni dziesiacihodździe łahieraŭ, kudy Śviontak trapiŭ u časy hanieńniaŭ, ni inšyja niaščaści i biedy nie zmahli złamać jaho volu i žadańnie «nieści viestku śvietu ab Vyratavańni i śviedčyć sučaśnikam ab Božaj Miłasernaści». Pieršaijerarch BPC adznačyŭ, uspaminajučy niabožčyka:
«Havaryŭ jon ad usiaho serca, ad asabista im pieražytaha i vypakutavanaha».
Kardynał Śviontak, na dumku mitrapalita Fiłareta, unios vialiki ŭkład u raźvićcio dobrasusiedskich adnosin pamiž Biełaruskaj pravasłaŭnaj carkvoj i
«Ad imia ŭsich pravasłaŭnych chryścijan Biełarusi vykazvajem svaje spačuvańni biełaruskim katolikam. Molim Usiamiłaścivaha Hospada našaha Isusa Chrysta ab spačynie dušy kardynała Kazimira Śviontaka i ab suciašeńni jaho duchoŭnych dziaciej», — taksama zajaviŭ u piśmie Patryjaršy Ekzarch.