23 kastryčnika ŭ Vialikaj zale fiłarmonii Dziaržaŭny akademičny simfaničny arkiestr Respubliki Biełaruś pad kiraŭnictvam Alaksandra Anisimava adkryje Mižnarodny fiestyval mastactvaŭ «Biełaruskaja muzyčnaja vosień» kancertam z tvoraŭ Siarhieja Prakofjeva (da 120-hodździa z dnia naradžeńnia).
Tvorčaść vialikaha kampazitara XX stahodździa budzie pradstaŭlenaja ŭ hety viečar dvuma šedeŭrami.
Balet «Ramea i Džuljeta» — adzin z samych papularnych tvoraŭ kampazitara. U kancercie Dziaržaŭnaha akademičnaha simfaničnaha arkiestra viečnaja historyja kachańnia budzie pradstaŭlenaja ŭ muzyčna-litaraturnym čytańni — prahučyć aryhinalnaja kampazicyja pa muzycy baleta S. Prakof jeva i pjesie U. Šekśpira, u vykanańni jakoj voźmuć udzieł artysty Nacyjanalnaha akademičnaha teatra imia Ja. Kupały Valancina Harcujeva, Pavieł Charłančuk, Aleh Harbuz.
U prahramu viečara ŭklučanaja taksama Simfonija-kancert dla vijałančeli z arkiestram (1952) — apošni bujny tvor kampazitara, stvorany z udziełam Mścisłava Rastrapoviča. Dziakujučy muzyku, jaki praz składanaść partytury spačatku byŭ adzinym vykanaŭcam Kancertu, hetaje sačynieńnie paśla tryvała ŭvajšło ŭ repiertuar vijałančelistaŭ-virtuozaŭ. U kancercie 23 kastryčnika solnuju partyju ŭ najskładaniejšym i navatarskim tvory Prakofjeva vykanaje uradženiec Lvova, vypusknik Maskoŭskaj kansiervatoryi, vijałančelist, jaki pačaŭ svaju solnuju karjeru ŭ Čykaha i ŭžo paśpieŭ zavajavać svaim mastactvam publiku ŭ Amierycy, Rasii, Ukrainie, Paŭdniovaj Afrycy, — Nazar Džuryn.
Narodnaja vola
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
