Tysiačy ludziej biahuć z Banhkoka, vulicy i trasy horada zabityja aŭtamabilami achvotnikaŭ pakinuć horad, bajučysia pavodki, jakaja moža značna pahoršycca praz prylivy,paviedamlaje ahienctva Reuters.
Ułady stalicy Tajłanda vykazali zakłapočanaść tym, što asnoŭnaja raka Banhkoka Čaa Praja vyjšła ź bierahoŭ u minułyja vychodnyja padčas vielmi mocnaha prylivu. Pieršyja pavierchi budynkaŭ u horadzie ŭmacavali miaškami ź piaskom.
Prem'
«My pavinnyja ŭ detalach razhledzieć, jak heta budzie pracavać», — skazała Čynavat žurnalistam.
U piatnicu ranicaj na vulicy pierad Vialikim pałacam, dzie zvyčajna vielmi šmat turystaŭ, była złoŭlenaja dvuchmietrovaja źmiaja. Žychary taksama aścierahajucca krakadziłaŭ, jakija ŭciakli z zatoplenaj fiermy.
U čaćvier Čynavat zajaviła, što šluzy i damby ŭ Banhkoku nie ŭ stanie vytrymać naporu vady, i žychary ŭsich rajonaŭ stalicy pavinnyja rychtavacca da pavodki.
Hubiernatar Banhkoka Suchumbchand Parybat ukazaŭ u śpiecyjalnym kamiunikie, što ŭzrovień vady ŭ race Čaa Praja za sutki znoŭ pabiŭ rekord, ustalavany ŭ aŭtorak ranicaj. Jon dasiahnuŭ 2,4 mietra nad uzroŭniem mora.
Pavodle prahnozaŭ haradskoha kiraŭnika, da vychodnych uzrovień vady ŭ race padymiecca da 2,6 mietra, što na dziesiać santymietraŭ bolš za vyšyniu hidratechničnych zaharodaŭ. Jak tolki vada pačnie ciačy nad bietonnymi ŭmacavańniami, jana razburyć ich, papiaredziŭ mer.
Dyrektar centra katastrof Sery Suparadyt paviedamiŭ, što
pry horšym z mahčymych scenaraŭ raźvićcia padziej Banhkok budzie zatopleny całkam.Dziasiataja častka horada — rajony ŭzdoŭž raki i kanałaŭ — mohuć syści pad vadu na dva mietry. Jašče čverć horada sydzie pad vadu na adzin mietr, jašče čverć — usiaho na paŭmietra. Astatni Banhkok budzie zatopleny prykładna na dziesiać santymietraŭ.
Kolkaść achviaraŭ katastrafičnaj pavodki ŭ Tajłandzie dasiahnuła 377 čałaviek. Jašče na minułym tydni ŭłady Banhkoka zaklikali da ekstranaj evakuacyi praz najmacniejšuju za 50 hadoŭ pavodku.
