Adnojčy ŭ Alaksandry pačaŭ baleć žyvot. U toj čas jana karmiła dzicia hrudźmi, tamu zaniepakoiłasia i źviarnułasia da doktara. Akazałasia, balić piečań. Tak vypadkova vyjaviŭsia strašny dyjahnaz: hiepatyt S treciaha hienatypu.
Jak takoje adbyłosia? Što ciapier rabić? Ci jość vyjście? Navina šakavała Alaksandru. Ale adkaz na hałoŭnaje pytańnie «Dzie?» jak małankaj udaryŭ adrazu: radzilnia.
Miesca zdareńnia
Alaksandra naradžała svajo druhoje dzicia ŭ radzilnym adździaleńni
— Rody prachodzili ŭ śviatočny dzień, — kaža Alaksandra. — Pakolki jany ŭ mianie byli druhija, daktary i miedpiersanał naležnaj uvahi mnie nie nadavali, chutčej chacieli pazbavicca, bo ŭ pieradrodavaj pałacie ja była apošniaja.
Rody prajšli paśpiachova, biez uskładnieńniaŭ, usio jak treba. Ale adrazu paśla ich z Alaksandraj praviali manipulacyju, jakuju ŭ narodzie nazyvajuć «vakuum». Heta naściarožyła žančynu.
Na ŭstryvožanaje pytańnie pra mety pracedury doktar adkazała, što heta dla taho, kab paradzichu vypisali z radzilni na trecija sutki.Adnak Alaksandra, spasyłajučysia na svaju miedkartu, śćviardžaje, što asablivych miedycynskich pakazańniaŭ dla hetaha nie było.
Potym žančynu źmiaścili ŭ absiervacyjnaje adździaleńnie, dzie znachodziacca paradzichi z roznymi infiekcyjnymi zachvorvańniami.
Naściarožyŭšysia jašče bolš, Alaksandra źviarnułasia da dziažurnaha doktara z pytańniem, čamu jana znachodzicca mienavita tut. Taja kinuła miž inšym: «Napeŭna, u vas niejkija infiekcyi». Kali pacyjentka skazała pra adsutnaść zapisaŭ ab takich chvarobach ŭ jaje miedkarcie, to pačuła ŭ adkaz: «Značyć, niama miescaŭ u inšych pałatach».
Tolki potym, praz hod, Alaksandra daviedałasia, što radzilnaje adździaleńniaŠto ŭ3-j haradskoj kliničnaj balnicy śpiecyjalizujecca na infiekcyjnych zachvorvańniach.
Jak paviedamiła ŭ intervju haziecie «Biełaruś siońnia» namieśnik hałoŭnaha doktara pa rodadapamozie Natalla Adzincova, štohod tut naradžaje kala 30
Praŭda, u tym ža intervju havorycca, što «darohi «zvyčajnych» i «nie vielmi zvyčajnych» pacyjentak nikoli nie pierasiakajucca, tak što ryzyki padchapić čužuju zarazu ŭ paradzich niama.
Alaksandra ličyć, što jana — prykładam jakraz advarotnaha.
— Ja ŭpeŭnienaja, što daktary nie vykanali elemientarnych
Jana padała zajavu ŭ RUUS Leninskaha rajona horada Minska ab vyjaŭleńni vinavatych i pryciahnieńni ich da kryminalnaj adkaznaści. Dva miesiacy viałasia pravierka. Była arhanizavanaja ekśpiertnaja kamisija.
Adnak śpiecyjalisty Ministerstva achovy zdaroŭja, jakija ŭvajšli ŭ jaje skład, pryjšli da vysnovy, što fakt infikavańnia ŭ radzilni dakazać nielha, i zaražeńnie adbyłosia dzieści ŭ inšym miescy.
Alaksandra ličyć hety varyjant niemahčymym. Da rodaŭ, padčas nazirańnia ŭ žanočaj kansultacyi, jana zdavała ŭsie analizy, jakija paćvierdzili, što jana absalutna zdarovaja. Paśla rodaŭ nijakim chirurhičnym umiašańniam žančyna nie padviarhałasia, jana nie naviedvała stamatołaha, nie rabiła ni manikiur ŭ sałonie, ni tatuiroŭki. I ŭžo tym bolš nie kałoła sabie narkotyki. Usio heta pryčyny, jakimi tłumačać mahčymaść zaražeńnia čalcy kamisii.
Nie ŭbačyli jany prablemy i ŭ tym, što zdarovaja žančyna była źmieščanaja ŭ absiervacyjnaje adździaleńnie, dy jašče i biez usialakaha papiaredžańnia.
— Dadzieny vid zachvorvańnia nie adnosicca da sacyjalna niebiaśpiečnych, — zajaŭlajuć śpiecyjalisty. — My nie majem prava aharodžvać hramadstva ad takich chvorych — heta ŭciskaje ich pravy. Hiepatyt S bytavym šlacham nie pieradajecca. Ryzyka zaražeńnia minimalnaja.
U zaviadzieńni kryminalnaj spravy Alaksandry admovili. Ale jana hatovaja i dalej adstojvać svaje pravy. Tolki paśla taho, jak projdzie ciažkaje doŭhaterminovaje lačeńnie. Ciapier sił i času na chadžeńnie pa instancyjach u chvoraj žančyny prosta niama.
Na ščaście, u Alaksandry jość šaniec papravicca, tamu što jana zaražanaja hiepatytam S treciaha hienatypu, jaki paddajecca lačeńniu. U vypadku, kali na heta znojdziecca dastatkova hrošaj.
U 2009 hodzie chraničny virusny hiepatyt S byŭ vyklučany sa śpisu zachvorvańniaŭ, pry jakich naležać biaspłatnyja leki.
Adna ampuła preparata, jaki vykarystoŭvajecca dla lačeńnia chvaroby, kaštuje kala dvuch z pałovaj miljonaŭ biełaruskich rubloŭ.Poŭny kurs lačeńnia dla Alaksandry składajecca z 24 ukołaŭ. A heta jak najmienš 60 młn biełaruskich rubloŭ. Akramia ŭkołaŭ treba prymać jašče tabletki i raz na try miesiacy rabić analiz na najaŭnaść virusa ŭ kryvi. Analiz u płatnym centry kaštuje 182 tysiačy rubloŭ. A rabić jaho treba nie tolki chvoramu, ale i jaho blizkim, kab być upeŭnienym u ich biaśpiecy.
Pavodle spravazdačy Ministerstva achovy zdaroŭja za 2011 hod da Mižnarodnaha dnia baraćby z hiepatytam, 4% žycharoŭ Biełarusi — nośbity virusaŭ hiepatytu V i S. Kala 10 tysiač stajać na dyspansiernym uliku z chraničnym hiepatytam S. Štohod u Biełarusi vyjaŭlajecca bolš za 2,5 tys. iznoŭ vyjaŭlenych vypadkaŭ hetaha zachvorvańnia.
Ryzykujuć usie
Ciapier Alaksandra jak nośbit strašnaha zachvorvańnia zaŭvažaje vypadki chałatnaści i biezadkaznych pavodzin paŭsiul i zaklikaje ŭsich astatnich da aściarožnaści.
— Naprykład, ja prychodžu da stamatołaha, a taja, nie pytajučysia ničoha, adrazu ž (biez palčatak!) lezie ŭ rot i pačynaje pravodzić manipulacyi, — kaža jana. — Ja absiakaju jaje: «U mianie hiepatyt S, aściarožniej. Kali nie kłapociciesia pra pacyjentaŭ, padumajcie chacia b pra siabie». Toje ž samaje adbyvajecca i ŭ płatnaj klinicy, kali ja rablu pryščepki i analizy.
Kamientar pa spravie
— Virusny hiepatyt — infiekcyjnaje zachvorvańnie, vyklikanaje hrupaj virusaŭ, jakija razmnažajucca ŭ kletkach piečani.
Na siońniašni dzień viadomaja vialikaja kolkaść virusaŭ, zdolnych vyklikać virusny hiepatyt. Asnoŭnyja ź ich — virus hiepatytu, A, virus hiepatytu B, virus hiepatytu S, virus hiepatytu D. Kožnaje zachvorvańnie maje svaje asablivaści.
Hiepatyt S — u asnoŭnym bieśsimptomnaje zachvorvańnie, jakoje moža być dyjahnastavanaje vypadkova, padčas abśledavańnia z nahody inšych zachvorvańniaŭ.
Čaściej za ŭsio pieršy čas zachvorvańnie vyjaŭlajecca ŭ słabaści, stomie, rasstrojstvie stravavańnia, mohuć baleć sustavy. Ale hetyja simptomy charakternyja pry šmatlikich infiekcyjach, u tym liku i na VRVI i hryp.
Inkubacyjny pieryjad składaje ad 20 da 140 dzion.
Zapadozryć zachvorvańnie možna pry daśledavańni bijachimičnaha analizu kryvi, dzie adznačajecca vysokaja aktyŭnaść fiermientaŭ, jakija vypracoŭvaje piečań. A zatym pad nazirańniem
Pry hiepatycie S pakazanaje śpiecyfičnaje lačeńnie. Vybar schiemy i praciahłaści lačeńnia zaležyć ad praciakańnia i stadyi zachvorvańnia. Adzinaha stacyjanarnaha varyjantu terapii nie isnuje.
Lačeńnie kambinacyjaj interfieronu i rybavirynu moža doŭžycca da 12 miesiacaŭ. Pry pravilna spłanavanym lačeńni papraŭlajucca kala 70% chvorych. Inšaje pytańnie ŭ tym, što preparaty kaštujuć vielmi doraha.
Dziejnaj vakcyny ad hiepatytu S niama, ale pošuki jaje viaducca.
Jak možna zarazicca hiepatytam S
• unutryviennaje ŭviadzieńnie narkatyčnych srodkaŭ;
• naniasieńnie tatuiroŭki, šramavanńnia, pirsinhu, prakołvańnie vušej;
• vykarystańnie
• pry množnych i biazładnych pałavych kantaktach. Pałavy šlach pieradačy nie ličać asnoŭnym, jon składaje mienš za 5% ad ahulnaha liku zaražanych hiepatytam S. Bo navat u siamji, dzie adzin z sužencaŭ źjaŭlajecca nośbitam virusa, druhi zastajecca zdarovym doŭhija hady sumiesnaha žyćcia;
• ad infikavanaj maci płodu (redka, nie bolš čym u 5% vypadkaŭ). Infikavańnie mahčymaje padčas rodaŭ pry prachodžańni dziciaci pa rodavych šlachach. A taksama pry hrudnym hadavańni, kali parušanaja cełasnaść skury małočnych załoz.
Hiepatyt S nie pieradajecca pry razmovie, čchańni, sa ślinaj i inš., pry pocisku ruki, abdymkach, karystańni supolnym posudam.
