Pradstaŭniki bolš čym dvuch dziasiatkaŭ prafsajuzaŭ Vieniesueły vykazali salidarnaść z aktyvistami jačejki Biełaruskaha niezaležnaha prafsajuza na pradpryjemstvie «Hranit» (Mikaševičy, Bresckaja vobłaść). Adpaviednaja zajava pastupiła ŭ redakcyju sajta Aporrea.org.
«Dla adzinstva i baraćby suśvietnaha rabočaha kłasa suprać kapitalizmu! Padtrymajem biełaruskich rabočych! Ź Vieniesueły my zajaŭlajem ab našaj salidarnaści z rabočymi „Hranita“. My padtrymlivajem našych bratoŭ pa kłasie, što pačali boj z rabotadaŭcam, jaki nie vykonvaje pracoŭnyja pravy, i suprać nizkaj zarpłaty», — havorycca ŭ zajavie, kopii jakoj nakiravany ŭ administracyju RUVP «Hranit», hienieralnamu prakuroru Biełarusi i kiraŭniku Administracyi prezidenta.
«My vystupajem kateharyčna suprać ahresii z boku najmalnika, a taksama niezakonnaha zvalnieńnia Aleha Stachajeviča i Ludmiły Litvinki! Nie teraryzmu z boku kiraŭnictva zavoda!» — padkreślivajecca ŭ zajavie.
Akramia taho, u joj utrymlivajecca patrabavańnie «nieadkładna pryznać niezaležnyja prafsajuzy».
