Jany buduć niapoŭnyja, viadoma, i materyjały ŭ ich buduć źjaŭlacca paźniej. Tym nie mienš, dziakujučy im infarmacyja ź biełaruskich pazicyj budzie šyrej razychodzicca ŭ śviecie. U toj ža čas sajt «Našaj Nivy» budzie znachodzić novych naviednikaŭ.
U pracy nad hetymi viersijami my kiravalisia ŭzorami sajta «Ukrainskaja praŭda» i litoŭskaha partała Delfi.Fiłasofija našych inšamoŭnych viersij budzie anałahičnaja: pierakładać budziem tolki toje, što moža mieć cikavaść dla aŭdytoryi na hetych movach.
U rasiejskaj viersii niepierakładzienaja rešta materyjałaŭ budzie pakazvacca pa-biełarusku. U anhielskaj viersii buduć pakazvacca tolki pierakładzienyja teksty.
U papiarovaj haziecie nijakich źmienaŭ, viadoma, nie budzie. Jana zastaniecca biełaruskamoŭnaj ad pieršaha da apošniaha słova. Hałoŭnaja, biełaruskaja viersija sajta — taksama. Nijakaj miašanki movaŭ na joj nie budzie.
Prosim spahadać pierakładnikam:pieršyja miesiacy jany buduć rabić niepaźbiežnyja pamyłki, asabliva pa-anhielsku. Paśla nabjuć ruku, i jakaść palepšaje. Prosim nastojliva sihnalizavać pra pamyłki, ale ŭ karak nie bić.
Huziki roznych moŭnych viersij stajać u pravym vierchnim kutku sajta.
Šturškom dla takoha kroku ŭ pašyreńni NN byli padziei 2011-ha.Dziakujučy našaj zdolnaści bačyć hałoŭnaje i apieratyŭna, «Našu Nivu» masava pieradrukoŭvali i ŭ časie finansavaha kryzisu, i padčas Maŭklivych Pratestaŭ, i paśla terakta 11 krasavika. Ale... pry hetym pieradrukoŭvali našy teksty, a spasyłki davali na tyja sajty, jakija ich retranślavali pa-rasiejsku.
My zrazumieli, što, chaj sabie ścisłyja, inšamoŭnyja viersii NN daduć mahčymaść tranślavać našu infarmacyju dla novych aŭdytoryj.
Takim čynam, ekspansija!
0
0
0
0
0
0