Ciapier modnyja rečy ź biełaruskim arnamientam, vałoškami, pieŭniami možna kupić u najbujniejšych polskich haradach i pabačyć na vulicach Jeŭropy.
Maładaja biełaruska ź Lublina kinuła vyklik bujnym firmam mody.
Paŭhoda tamu Julija Farbotka zasnavała ŭłasnuju firmu pa vyrabie fietravych sumak. Hałoŭnym matyvam jaje prajektaŭ staŭ biełaruski falkłor — arnamient, vałoški i pieŭni. Potym Jula vypuściła kalekcyju sukienak.Siońnia ŭ jaje firmie pracujuć pamočniki, a
pradukcyju z markaj Farbotka možna kupić u najbujniejšych polskich haradach i pabačyć na vulicach haradoŭ jeŭrapiejskich.Nazva marki Farbotka pachodzić ad proźvišča jaje zasnavalnicy. Paśla zakančeńnia škoły ŭ Minsku Jula pastupiła na fakultet piedahohiki ŭ Lublinskim katalickim univiersitecie. Polskuju movu vučyła sama. Adnak jana chutka zrazumieła, što piedahohika — nie jaje pryznačeńnie, i pastupiła na fakultet mižnarodnych adnosin u Vyšejšaj škole pradprymalnictva j administracyi.
Luboŭ da mastactva pryvili Juli baćki. U taty ŭ svoj čas była meblevaja firma, a maci pracavała ŭ domie mody.Ź dziacinstva dziaŭčyna bačyła, jak mama robić čarciažy, maluje, šyje mnostva samych roznych rečaŭ.
Adnak
«Ja pačała ź juvielirnych vyrabaŭ. Heta byli ŭpryhožańni sa štučnych kamianioŭ, srebra, mietału. Ja pačała jeździć u turystyčny haradok Kazimiež Dolny pad Lublinam, pradavała svaje tvory na rynku. I tak usio leta. Šmat pradavała siarod znajomych, i niejak tak atrymałasia, što zacikaviłasia hetaj spravaj».
Padčas adpačynku ŭ Biełarusi Jula naviedała fabryku abutku ź fietru. Joj vielmi spadabaŭsia hety materyjał, i paśla viartańnia ŭ Lublin jana vyrašyła vykarystoŭvać jaho ŭ svajoj pracy.
Pieršyja vyšyŭki Jula pačała rabić na torbach hod tamu. Praca mieła ašałamlalny pośpiech, i Jula chutka stvaryła ŭłasnuju firmu.U śniežni minułaha hoda vyjšła pieršaja kalekcyja — 12 fietravych sumak.
«Znajomym spadabałasia. Usie kazali: davaj jašče. Siońnia ŭ majoj firmie pracujuć try čałavieki, a pradukcyja dobra pradajecca».
Jula pačynała z nula.
Rehistracyja firmy zaniała adzin dzień. Srodki na pačatak biznesu jana atrymała ź biudžetu ES. Napisała prajekt, prajšła kvalifikacyju i atrymała 4,5 tysiačy jeŭra na ŭłasnuju spravu.
U asartymiencie marki Farbotka — sumki samych roznych pamieraŭ i samaha roznaha fasonu: elehantnyja, spartyŭnyja, sumki dla noŭtbukaŭ, čachły dla mabilnikaŭ, navat paduški. Niadaŭna Jula vypuściła j kalekcyju sukienak. Hałoŭnaja admietnaść jaje pradukcyi — heta biełaruskija nacyjanalnyja arnamienty j matyvy. Paźniej Jula pačała dadavać da svaich prajektaŭ ŭkrainskija, češskija, polskija i rasijskija akcenty.
Vielmi časta pakupniki sami znachodziać Julu. Šmat pradajecca praź internet. Časam ludzi padychodziać na vulicy i pytajucca, dzie jana nabyvała sukienku i sumku.
Žančyn u sukienkach albo z torbami marki Farbotka nieŭzabavie možna budzie sustreć i ŭ Brazilii, kudy Jula płanuje naładzić raspaŭsiud svaich tavaraŭ.U płanach taksama vyrab sumačak sa skury. Na vosień Jula choča vypuścić ułasnuju kalekcyju vopratki Farbotka.
