Ludzi abychodziacca biez unitaza i pieratvaryli svaju kvateru ŭ rassadnik niepryjemnych pachaŭ i prusakoŭ. Susiedzi nieadnarazova skardzilisia ŭ roznyja instancyi, ale tołku mała: «niadobraja» kvatera pryvatyzavanaja, tamu vysielić jaje žycharoŭ pakul niemahčyma. U situacyi raźbiraŭsia telekanał STV.
Minčanka Zinaida Lachovič ŭ domie № 78 pa vulicy Kižavatava žyvie vielmi daŭno. Usio było dobra, pakul u kvateru № 22 nie zasialilisia novyja susiedzi.
— Raniej u hetym domie žyli dobryja ludzi — daktary. A potym zasialilisia hetyja susiedzi. Heta taki smurod! Sanstancyja prychodzić prusakoŭ trucić! Žyć niemahčyma, — narakaje piensijanierka.
Siamji Murzičaŭ, kvatera jakich znachodzicca jakraz pad žyllom niazručnych susiedziaŭ, pašancavała jašče mienš: ich kvateru pastajanna zataplajuć. Voś tolki nie vadoj, a mačoj i fiekalijami. Akazvajecca, u mužčyny paprostu niama santechniki. Dzie jon spraŭlaje patrebu — zdahadacca niaciažka.
Niekalki razoŭ siamja sprabavała źviartacca ŭ roznyja instancyi, ale ŭsio biezvynikova.Materyjalnaja škoda zaŭsiody vypłačvałasia, a susied praciahvaŭ zalivać. Maci
— Ničym u jaho nie śmiardzić. U jaho ŭsio ŭ paradku, — adkazała jana pa telefonie.
Adnak da kvatery niemahčyma padyści praz ustojlivy smurod. Dźviarnaja ručka prosta adsutničaje. Dźviery adčyniła zaspanaja niećviarozaja žančyna pad brech sabaki.
— Kali ja siudy prapišusia i maja dačka — jany ŭsio budzie zakončana, — tolki i zmahła skazać jana.
Susiedzi nie vierać joj. Bo da hetaha času na praciahu piaci hadoŭ situacyja nie źmianiłasia. Kali ŭ kvatery i trucili prusakoŭ z dezinfiekcyjaj, to tolki za košt ŽESa.
U miascovym ŽESie № 63 patłumačyli: kab vieści havorku ab vysialeńni žychara z kvatery, treba trojčy sabrać kamisiju. Pa praviłach u jaje pavinnyja ŭvachodzić pradstaŭniki milicyi, ŽES, sanepidstancyi. Kožny raz kamisija składaje akt i robić pradpisańnie: na termin ad adnaho da dvuch miesiacaŭ. Kali čałaviek za hety čas nie navodzić paradak, kamisija źbirajecca jašče raz. Składajuć novy akt, novaje pradpisańnie. I tolki paśla treciaha razu dakumienty nakiroŭvajucca ŭ sud.
— Zvyčajna, kali sud prajšoŭ, kvaterazdymalniku dajuć miesiac na ŭborku, jon prybiraje — i ŭ pazovie admaŭlajuć. Kvatera pryvatnaja, tamu jość takija prablemy, — pryznaje hałoŭny inžynier HP ŽEU № 63 Dzitryj Kaleśnikovič.
Na žal, kvatera, pra jakuju idzie havorka, pryvatyzavanaja, heta značyć znachodzicca ŭ pryvatnaj ułasnaści. Kali b žyllo było dziaržaŭnym, žychary vylecieli b adrazu. A tak haspadary robiać što im uzdumajecca, a susiedzi pakutujuć. Jość nadzieja, što situacyja źmienicca ŭ 2013 hodzie, kali ŭ siłu ustupić novy Žyllovy kodeks.
