«Adnosiny ź Biełaruśsiu mohuć jašče raz skandalna prasłavić Litvu ŭ ES. Hetym razam biełaruski režym abyhraŭ Litvu ŭ jaje ŭłasnym sudzie», piša Lietuvos rytas.
Vilenski akruhovy administracyjny sud ŭčora zadavoliŭ skarhu paplečnika Alaksandra Łukašenki Uładzimira Piefcijeva i troch kiravanych im kampanij u dačynieńni da Ministerstva zamiežnych spraŭ Litvy i Słužby rasśledavańniaŭ finansavych złačynstvaŭ.
U.Piefcijeŭ, jakoha ličać adnym z samych bahatych ludziej Biełarusi, prasiŭ skasavać rašeńnie MZS Litvy, jakoje dazvalaje zamarozić jaho asabistyja rachunki ŭ jeŭrapiejskich bankach.Heta -- častka ekanamičnych sankcyj, rašeńnie ab ŭžyvańni jakich Saviet ES pryniaŭ jašče ŭ minułym hodzie, reahujučy na represii biełaruskich uładaŭ u dačynieńni da apazicyi.
Adnak litoŭskamu sudu jany zdalisia nieabhruntavanymi. Pradstaŭniki ministerstva skazali Lietuvos rytas, što abmiarkujuć, ci varta abskardzić rašeńnie suda.
- 20 červienia 2011 hoda Saviet ES pryniaŭ rašeńnie pašyryć śpis biełaruskich hramadzian i kampanij, na jakija raspaŭsiudžvajucca sankcyi ŭ suviazi z parušeńniem pravoŭ čałavieka ŭ Biełarusi, uklučyŭšy ŭ jaho ŭ tym liku Uładzimira Piefcijeva i try kampanii — ZAT «Biełtechekspart», ZAT «Sport-pary» i PUP «BT Telekamunikacyi». U dakumientach ES Piefcijeŭ značycca jak «asoba, źviazanaja z prezidentam Łukašenkam i jaho siamjoj, hałoŭny ekanamičny savietnik prezidenta Łukašenki i klučavy finansavy sponsar režymu Łukašenki, staršynia savieta akcyjanieraŭ „Biełtecheksparta“, bujniejšaj u Biełarusi kampanii impartu-ekspartu ŭzbrajeńniaŭ».
- Sankcyi ŭ dačynieńni da nazvanych kampanij byli ŭviedzienyja na padstavie taho, što ŭsie jany «padkantrolnyja Uładzimiru Piefcijevu». Piefcijevu zabaroniena naviedvać terytoryju ES, a jaho rachunki i majomaść u krainach ES pavinny być zamarožany. Jaho kampanijam zabaroniena vieści biźnies na terytoryi krain ES. Heta rašeńnie Piefcijeŭ asprečvaje ŭ sudzie Jeŭrasajuza, kudy 12 žniŭnia nakiravaŭ isk.
0
0
0
0
0
0