Hrupu nielehałaŭ na biełaruska-litoŭskaj miažy zatrymali ŭ minułyja vychadnyja smarhonskija pamiežniki. U vyniku pošukavych mierapryjemstvaŭ byli znojdzieny piać hramadzian, pavodle ich słoŭ — hramadzianie Jehipta.
Jak paviedamili ŭ pres-centry Dziaržaŭnaha pahraničnaha kamiteta Biełarusi, pry sabie inšaziemcy mieli tolki mabilnyja telefony. Padčas razboru vyśvietliłasia, što ŭ Biełaruś jany pryjechali na taksi z Maskvy, kudy prylacieli na samalocie ź Jehipta. Znoŭ ža na taksi dabralisia ź Minska ŭ pamiežnuju zonu.
Zatrymanyja dastaŭleny ŭ izalatar časovaha ŭtrymańnia pahraničnaj hrupy. Pravodziacca apieratyŭna-vyšukovyja mierapryjemstvy pa vyjaŭleńni asob, jakija mohuć być datyčnyja da supraćpraŭnaj dziejnaści.
0
0
0
0
0
0