Таранціна перадумаў здымаць «Кінакрытыка». Фільм меўся стаць апошнім у кар'еры рэжысёра
Таранціна адмовіўся ад гэтага фільма як ад свайго 10-га і апошняга праекта. Ён проста перадумаў, паведамляе Deadline.
Квенцін Таранціна на Канскім кінафестывалі ў маі 2023 года. Фота: Laurent Koffel / Getty Images
Гэта стала самым вялікім сюрпрызам для прыхільнікаў Таранціна.
Таранціна збіраўся запрасіць Брэда Піта на галоўную ролю, што стала б іх трэцяй сумеснай працай пасля «Бясслаўных выблядкаў» і «Аднойчы ў Галівудзе». Хадзілі чуткі, што ў ім могуць прыняць удзел многія акцёры з яго мінулых фільмаў, і Sony рыхтавалася да здымак гэтага фільма пасля такой выдатнай працы над апошнім.
Хадзілі чуткі, што Таранціна перапісаў свой сцэнар, праз што адклаў пачатак здымак. Але гэта яго 10-ы і апошні фільм, і Таранціна проста вырашыў, што «Кінакрытыка» не будзе.
Раней рэжысёр распавёў, што падзеі будуць разгортвацца ў 1977 годзе. Гісторыя заснавана на асобе рэальнага чалавека-кінакрытыка, які ніколі не быў па-сапраўднаму знакаміты і пісаў рэцэнзіі на фільмы для порнаграфічнага часопіса. Імаверна, натхненне пастаноўшчык чэрпаў з падзей, якія адбываліся з ім. Да таго як праславіцца, Таранціна падпрацоўваў, загружаў у аўтамат фільмы для дарослых.
Рэжысёр прызнаўся, што ў адным з часопісаў для дарослых яму падабаўся раздзел, прысвечаны кіно. Быў адзін крытык, які зрабіў на будучую знакамітасць асаблівае ўражанне.
Зорка Таранціна ўзышла пасля выхаду фільма «Шалёныя сабакі» 1992 года, у якім зняліся Харві Кейтэль, Цім Рот, Стыў Бушэмі, Майкл Мэдсэн. Гэтыя акцёры і далей здымаліся ў фільмах Таранціна. А сусветная слава прыйшла да Таранціна праз два гады ўжо з «Крымінальным чытвом».
Потым былі «Джэкі Браўн», дзве часткі «Забіць Біла», «Бясслаўныя выблядкі», «Доказ смерці», «Джанга вызвалены», «Мярзотная васьмёрка».
Чытайце таксама:
«Рыплі»: тонкі і густоўны дэтэктыў у стылі нуар, але не для ўсіх
Серыял «Джэнтэльмены» ад Гая Рычы. Якая роля дасталася нашчадку беларускага карніка Серафіновіча?
Выйшаў серыял «Задача трох целаў» па творах найвядомейшага фантаста сучаснасці. Што ў ім?
