Adna z najbolš aktualnych temaŭ u zachodniaj presie zaraz — heta skandał vakoł pedafiłaŭ u Katalickim kaściole.
Chacia skandał i abminuŭ Biełaruś, naša mirskaja katalickaja supolnaść nie pavinna stajać ubaku jaho i maŭčać. Maŭčańnie značyć addavać trybunu praciŭnikam Papy, jakija, zrešty, čaściej za ŭsio źjaŭlajucca vorahami Kaścioła i relihii jak takoj i jakija žadajuć, kab pedafilski skandał źniščyŭ Kaścioł taki, jaki my viedajem.
Važnaja heta tema taksama i dla pravasłaŭnych, čyja carkva taksama staić pierad padobnymi niebiaśpiekami i vyklikami: my ŭsie žyviem u adnym śviecie.
«Ajciec Alaksandar Nadsan spraviadliva ŭzhadvaje słovy Chrysta: "Kali śviet vas nienavidzić, viedajcie, što Mianie jon raniej uźnienavidzieŭ… Pamiatajcie słova, jakoje Ja vam skazaŭ: słuha nie bolšy za svajho haspadara. Kali Mianie pieraśledavali, buduć pieraśledavać i vas" (Jan 15: 18, 20).
Celibat, vyklučna mužčynskaje śviatarstva, tradycyjnaja siamja — tysiačahadovyja tradycyi, jakija nielha razhladać praz utylitarysckuju i racyjanalisckuju pryzmu.Hetyja rečy byli i pavinny zastacca, tym bolš z ulikam taho, što pavodle navukoŭcaŭ, celibat nie jość pryčynaj piedafilii.
U adroźnieńnie ad dziaržavy, čyja palityka nie pavinna hruntavacca na relihijnych dohmach,
Kaścioł pavinien zastacca apiryščam tradycyi i paradku, stryžniem i majakom viečnych kaštoŭnaściaŭ dla svaich prychilnikaŭ, navat kali heta budzie kaštavać jamu masavaści. Lepš pamierci stojačy, čym "prohibaťsia pod iźmienčivyj mir".»
Čytajcie całkam: Ci aryštujuć Papu rymskaha?
P.S. Jašče dadam trochi.
Ja, na žal, nie mahu nazvać asabista siabie ŭzornym katalikom i pahatoŭ biazhrešnym čałaviekam. Tym nia mieniej, relihija ŭ jaje chryścijanskim katalickim uvasableńni, u kompleksie jak verbalizavanych normaŭ, tak i nasyčanych hetym uzvyšanym ducham nieverbalnych abradaŭ, tradycyj, estetyki — heta dla mianie, šerahovaha viernika, aryjencir, standart, da adpaviadańnia jakomu treba imknucca, heta svojeasablivy
ściah nadziei na toje, što čałaviek moža być čymści bolšym i lepšym, čym zarablalnikam hrošaj i spažyŭcom, i što sens našaha žyćcia ŭ niečym bolšym, čym banalnych materyjalnych asałodach.
I kali niejki ściahanosiec (śviatar) maje niejkija prablemy z utrymańniem hetaha ściaha, treba jaho pakarać i vyhnać, ale
sam štandar, sam aryjencir pavinien zastacca niaźmiennym.
